السلام عليكم ورحمة الله
بدون اي مقدمات ولا كلام كتير...... هدخل في الموضوع علي طول
بصراحه في حاجه بتحصل في مجتمعنا ... وبتزيد بشكل رهيب يوم بعد يوم
مش عايز اقول عنها انها ظاهره ... لانها مش ظاهره ولا حاجه ... هي كانت موجوده بس من زمن بعييييييييد
وبعدين اندثرت شوية ... والايام دي رجعت تاني وبكل قوة
النقاب
مفيش شك ان المنقبات زادوا جدا في مجتمعنا ... لكن ايه هي اسباب الزياده دي ؟
تعالوا نشوف ... ( بس دا من وجهة نظري )
ممكن البنت او المرأة تلبس النقاب لسبب من الاسباب دي
1_ انها مقتنعه جدا بيه وعارفه انه اللي بيصون كرامة البنت وعارفه بردو ايه شروط وقوانين النقاب
2- ان زوجها او ابوها او اخوها هو اللي امرها انها تلبس النقاب سواء هي عايزه تلبسه او لا
3- انها لابسه النقاب لانه بقي موضة لبس وبقت البنات بتلبسه لمجرد انه يتقال عنها لابسه نقاب
4- اخر نوع انها تلبسه علشان تتخطب والنوع دا بقي كتير اوي
اعتقد ان الاربع اسباب دول هم الاسباب الرئيسيه اللي بيخلوا اي بنت تلبس النقاب لكن
مش دا موضوعنا....
انا حابب اتكلم عن حاجه معينه... مرة دخلت مدونه علشان اشوفها يعني لان صاحبها دخل عندي
فحبيت ازوره انا كمان.... ولما دخلت لقيته كاتب بوست
او حاطط صورة فيها بنت منقبه........وكاتب فيها
ممنوع دخول اكياس الزباله
وواحد تاني قعد اكتر من شهر منزل بوست علشان بس يقول بلاش تلبسوا النقاب وان الدين مقالش كدا
وخد م الكلام دا كتير .....
كلنا بنادي بالحريه الشخصيه المسؤله ... طيب ليه اول ما حد يحاول بس ان يتمسك ببقايا الدين تقوم الدنيا ومتقعدش
والله لو النقاب مزعلك بلاش تلبسه لاختك او بنتك اوحتي مراتك... ولا انت خايف الزباله تكتر في البيت عندك
والله انا كشاب بكون في منتهي السعاده لما بشوف بنت منقبه سواء في الشارع او في الشغل او حتي لما كنت في
الكلية
لان بجد النقاب ستره للبنت وبيحميها من حاجات كتير خاصة لما تكون البنت اللي لابساه من النوع اللي لابسه لانه
عارف
ايه هي شروط وقوانين النقاب وانه مينفعش تلبس نقاب وهي لابسه ملون وحاطه برفانات وايديها باينه وصوتها عالي
وهي بتتكلم
ومتقفش في اماكن مشبوهه زي تجمعات البنات والاولاد في الكليه
لما انا الاقي بنت لابسه نقاب وفعلا متسمكه انها تعمل باحكامه شوروطه بقول في نفسي
والله فعلا دي زي الملايكه
وانا مش هنسي مرة كنت انا وصديقي الغالي احمد حجاج في مكان معين وشوفنا
واحده منقبه مع زوجها وحصل موقف كدا قلت لاحمد:
انا لازم اخلي مراتي تلبس نقاب
هناك 27 تعليقًا:
معاك في الاسباب اللي قولتها للبس النقاب
اما السبب دا موش مقتنعه بيه خالص
4- اخر نوع انها تلبسه علشان تتخطب والنوع دا بقي كتير اوي
ازاي يعني
النقاب انا بعتبره درجه ايمانيه اقوي
فعلا يا كيارا عندك حق وانا متفق معاكي ان النقاب درجه ايمانيه اقوي وعلشن كدا انا حطيت دا في اول الاسباب انها بتلبس النقاب علشان مقتنعه بيه ومؤمنه بيه
لكن النوع الرابع دا موجود وحتي في المكان اللي انا عايش فيه موجود وبكثره
علشان كدا قلت عليه
اخيرا انا شاكر جدا لمرورك وان شاء الله نبقي علي العهد اخيارا
إنت نسيت أهم أسباب يا معلم
الا وهو
إنه من شرائع الإسلام , والإسلام حض عليه سواء كفريضة أو ك سنة أو مكرمة (علي خلاف بين أهل العلم)
وهوه ده السبب ان البنات بتلبس النقاب علشانه
ربنا يكرمك وتدافع دايماً عن حياض الدين وتبقي جند من جنود الله
الشخص اللي بيقول المنتقاب أكياس زباله
شخص ......
مش هقل نفسي واتكلم عليه
ربنا يهديه
تسلم إيدك ودماغك
تسلم يا دكتور علي الرد الجميل
لكن الاسباب اللي انا ذكرتها هي اللي البنات فعلا بتلبس النقاب علشانها
بالعكس انا بلاقي بنات كتير في المجتمع اللي انا عايش فيه والله م يعرفوا ازاي يصلوا او الوضوء ازاي
ولابسين نقاب
يارب كل البنات تعرف انها بلبسها النقاب بكدا بطبق حكم من احكام الاسلام علي اختلاف وضع الحكم دا
تقبل مني التحيات يا ياسور
لا
بجد
تحليل
جميل
وعرض رائع
انا معاك جدا
وانا سعيد اكتر انك معايا يا دكتور عرفه
يا رائع
شرفتنا بردك الجميل
وانت الاجمل
وتمام التمام علي مدونتك الروعه
ربنا يبارك فيك ويكثر من امثالك
بعيدا عن انه فرض او فضل احنا في حاجه ان الشباب والرجال يحسوا بجد بالغيره علي اهلهم من ذوات النفوس الضعيفه مش يتركوهم كاسيات عاريات ويقولوا حريه شخصيه والنقاب يقولوا عليه اكياس زباله والله اللي انا اعرفه ان الشئ اللي مكشوف ومتعري هو اللي معرض للذباب زي الزباله بالضبط لكن الشئ المستور والنقي بيكون اغلي بكثير من اي شئ
بس مين يفهم ربنا يهدي الجميع ويبصرهم بالحق
ربنا يجعل كلماتك البسيطه ديه في ميزان حسناتك .. موفق ان شاء الله ..
متشكر جدا يا.... كان نفسي تحط ولو اسم مستعار اليك
لكن عموما ربنا يبارك فيك ولو اني عرفت مين حضرتك
وان شاء الله هشكرك شخصيا عن طريق الميل
السلام عليكم
بجد الظاهرة دى منتشره بطريقه غريبه قووى
بصراحه كلارمك جميل قووى ومقنع
تسلم ايديك
واحيك عليه من كل قلبى
تحياتى
انوسه
مش عارفة الناس بتعمل ازمة من لا شئ النقاب سواء كان فضل اوعادة او حتى فرض فى بعض الاقوال
هو فى الاول والاخر حرية شخصية اللى عايزة تلبسه براحتها ده حرية شخصية مينفعش نسيب البنات يلبسوا الضيق والملفت ونقول دى حرية ليهم والبنت المنقبة مش من حقها تلبس اللى هى عايزاه
بخصوص اسباب النقاب اللى قولتها فعلا هما دى الاسباب بس انا شايفة ان النقاب يكون ليه شروطه ولازم اللى هتلبسه تحافظ على الشروط دى
مينفعش انها تتنقب وتتعامل عادى مع كل الناس وانت وضحت ده فى البوست
كمان مينفعش اننا نتحول لصراع فين الافضل المنتقبة ولا المحجبة ولا العكس
وكمان للاسف علشان مجتمعنا مش بيساعد على ارتداء النقاب فبيكون من الصعب ان الست تشتغل بيه فانا ان شاء الله لو قررت البسه هقعد فى البيت ومش هفكر فى شغل ومش هحط نفسى فى موقف انى ارفع النقاب كل شوية علشان التاكد ده رايى
بجد جزاك الله خيراً على الكلام الرائع ده
و على التحليل الجميل
و أحب أقول أنه بالأضافة لماذكرته أن الفتايات لم تعد تشعر بالأمان وهي ماشية في الشارع سواء نهاراً أو ليلاً، و هذا كائن الضعيف الجميل الذي يسمى المرأة بتحاول تحمي نفسى بطرق كتير منها النقاب.
الحاجة التانية أنه انتشرت الفتاوى التى تحث عليه سواء بالقول بفرضيته أو فضله.
لكني أعتقد أنه في سبب هو خاص شوية، أن النقاب بيقول أن جمال المرأة لا يكمن في ملامحة و أنه في شخصها في عقلها و خلقها ودينها-في زمن هيفا و نانسي-، و قد تعاملت مع منقبات كن يحوزن على احترام وحب المحيط اللى حولهم بشكل رائع و يتوصلوا مع الأخرين بشكل جميل جدا.
انا سعيد جدا بارائكم الجميله يا ايناس وايوشه ويسرا
وفعلا كلامكم جميل جدا وواضح ان الموضوع عمل رد فعل كويس عندكم
يارب دايما تشرفوني
وتسلموا بالخير
بجد انت عندك حق
برغم انى وجهة نظرى مختلفه شويه فى حكاية النقاب دى
بس مش مفروض نحبس حرية حد كل واحد حر فى لبسه مادام ما خرجش عن الدين والشرع
مفيش حد من حفه يتكلم عن اى حد بيحاول يحترم كرمته
بجد انا مش عرفه الناس دى بتفكر ازاى
ولا احترام عجبهم ولا قلة الادب عجبهم
نعملهم ايه
بلاد غريبه ماشيه بالشقلوب
مبرووووووووك على التاج اللى جالك
النقاب فضل موش فرض......والملابس لابد ان تكمل الجوهر ولكن لا تدل عليه
بحييك جدا على موضوعك وتسلسلك واسلوبك الرائع
فعلا عندك حق
قبل اى شىء دى حرية شخصية
الحاجة التانية بالنسبة للى بيتريقوا على المنقبين بدل ما يتريقوا عليهم ويشبهوهم بالمصطلحات السيئة دى اعتقد دول افضل من اللى مش لابسين اساسا على الاقل دى بتحمى نفسها
نيجى بقه للنقطة التالتة ودى انا للاسف بتزعجنى جدا وهو ان السبب فى الاساءة للمنقابات هما المنقبات نفسهم لأن النقاب مسئوليه كبيرة للى تقرر تلبسه لازم تكون قده 100% ماينفعش نقاب لبس وبس وماينفعش نقاب قدام ناس وناس وده للاسف بيحصل
لكن ماينفعش ناخد المنقبات كلهم بذنب الغير ملتزمين منهم
نتمنى لينا جميعا الهدايه ورضا الله
وكل واحد بيفترى بالفاظه على المتدينين ربنا هو المنتقم منهم
بكره يندموا
تحياتى ليك
شكرا ليكي يا ايمان بس انا جاوبت علي التاج مرة قبل كدا
علشان كدا مش هكرر كلامي تاني
اما بالنسبه لرايك ففي فعلا ناس كدا مفيش حاجه بتعجبهم
المهم احنا نعمل اللي شايفينه صح واللي بيتماشي مع عادتنا وتقاليدنا وقيم ديننا ومجتمعنا
تحياتي اليك يا اعقل مجنونه
انا عارفه انا البلاوى اللى كاتبه على النقاب اكياس زباله
وهما والله ..............
بلاش اغلط عشان حرام
مش هقول غير حسبى الله ونعم الوكيل
لكن انا بقول لهم موتوا بغيظكم
حارقهم اوى النقاب او الحجاب بصفه عامه لكن مش حارقهم العرى اللى فى الشوارع ومنظر الكاسيات العاريات
الاسباب اللى حضرتك عرضتها لسبب لبس البنت للنقاب فعلا صحيحه
انما ان بنت تلبسه عشان يجيلها عريس دى انا سمعتها برضه بس بصراحه ماشوفتش بنت لبسته عاشن كده خالص بالعكس ناس كتير جدا مقتنعين ان المنقبه مش بيجيلها عرسان كتير عشان وشها مش بيكون ظاهر بس والله ده مش صح انا اهو منتقبه ولبست النقاب فى تالته ثانوى قبل ما البسه كان جالى عريسين بس وبعدي ما لبسته جالى 11 عريس سبحان الله
بس انا الحمد لله لبسته فى وقت مكنش حد كتير لابسه ايامها وكان فى اضطهاد غريييييييب للى لبسوا النقاب خصوصوا كنت انا اول واحده تلبسه فى الثانوى العام
وانا مش بضايق من كلام الناس اللى عقلهم تعبان عن النقاب لكن بقول لهم موتوا بغيظكم وموتوا بجهلكم
هما فعلا جهله
تحياتى ليك
فتاة من الصعيد انا متفق معاكي جدا ان الملابس بتكمل الجوهر لكن ازاي مش بدل عليه
يعني ينفع حضرتك تلبسي ملابس مش كويسه وتمشي في الشارع وعايزة الناس يحترموكي طيب هيعرفوا منين جوهرك دا
طبعا ملابس الشخص بتبين جوهره سواء كان هو انسان محترم او لا
اما حكاية ان النقاب مش فرض لكنه فضل ففيها اختلاف بين العلماء وطبعا اختلافهم رحمه لينا
وكل واحد ياخد بالراي اللي يناسبه طالما ان اختلاف الراي لا يفسد للود قضيه
ماشاء الله عليكي يا فراشه فعلا نورتي الموضوع
وعندك حق فعلا ان فيه منقبات لابسين النقاب وميعرفوش حاجه اساسا عن شروطه واحكامه
وزي ما قولت انا في الموضوع دا بيرجع بقي للسبب اللي هم لابسين النقاب علشانه
تسلم ايديكي يا فراشه ويارب كدا تنورينا علي طول
ريماااااااااان انتي كدا اثبتي فعلا وجهة نظري لن العرسان بيزيدو لما البنت بتلبس نقاب ههههههههه
بس والله في المكان اللي انا عايش فيه دا بيحصل فعلا والبنات بيعملوا كدا ليه بقي لان اللي بيكون عايز يخطب بيفكر ان البنت اللي لابسه نقاب دي ماشاء الله عليها علشان كدا بيروح يخطبها
المهم ربنا يثبتك ويزيدك ايمان يا ريمان
وتقبلي تحياتي
السلام عليكم
اولا احب اسجل اعجابى بالموضوع خصوصا انك تطرقت للمدونه اللى بترفض النقاب بشده وبتسميهم اكياس زباله وده لانى كنت في المدونه من فتره ورديت على التسميه الغلط دى
اولا حتى لو احنا مش موافقين على النقاب فمش من حق حد يسب حد علشان لبسه انت مالك اساسا كل واحد حر هى شليفه نفسها كده كويسه شئ غريب جدا
هو صحيح في فئه كبيره من المنقبلات غلط ولابسين النقاب ستاره لكن برضه ملكش دعوه يا اخى انك لا تهدى من احببت
انا مش ضد النقاب ولا انا معاه اوى لكن انا ضد الشتم ومصادره الحريه
احييك جدا على الموضوع
وتحياتي اليك يا غروب علي الرد الاكثر من مميز
وان شاء الله تنورينا بوجودك دايما
صح والله
انا شفت فعلا البوست بتاع الكائن المزبل ده
واستخسرت فيه الشتيمه والله
وكلامك كله عن النقاب صح والله
وانتشرت اخر ظاهرتين قوى
فى ناس مقتنعه اينعم
لكن الباقى والاغلبيه زى اخر الاسباب
وبنصبح وبندعيلك فى الجيش
و
الساوند تراك بتاع اسمك
لو كنت سمعته
تحفه
بتاع الفيلم الاشاسى
و
بس
the illusionist
شكرا جدا علي رايك الجميل واسعدني وجودك جدا
واتمني ان شاء الله تكون المدونه اعجبتك
وفعلا انا سمعت الساوند تراك والقصه كلها عجباني جدا
علشان كدا انا اخترت الاسم
اه فعلا قصه الفيلم تحفه والله
وهو حاصل على جايزه اوسكار كمان
وربنا معاك يا عم فى الجيش
كل لما اعررف حد كويس فى اى مدونه
الاقيه بيمتحن
مسافر
ولع فى المدونه واشترى عربيه
اى حاجه
على العموم انا كمان بمتحن
ادعيلنا بقى
الف سلامه
the illusionist
ايوه بالله عليك تدعيلي تكون ايام الجيش كويسه
لان ربنا اعلم انا نفسيتي عامله ازاي دلوقتي
وربنا معاك ويوفقك في امتحاناتك
وتشرفت جدا بيك والله
إرسال تعليق